Sauda (The Deal)

Aaj uske ghar pe jalsa tha,

Mujhko bhi bulaya tha.

Badi hasti thi uski jo,

Khushiyaan jee bharke lutaata tha.

Hazaaron gam bhi the us par,

Jinhe sabse chupaata tha.

Madhosh mein jo jaa pahuncha,

Socha sauda kar ke aaunga.

Jinhe sabse chupata hai,

Wahi gam lekar aaunga.

Nasha jab mera utara to,

Dekha do gam lekar aaya tha.

Do gam lekar aaya tha,

Jholi bhar de aaya tha.

Khuda jaane kiske nasib se,

Kya sauda karke aaya tha.